កម្ពុជានឹងបញ្ជូនកងទ័ពដោះមីនជិត៣០០ នាក់ ទៅប្រទេសម៉ាលី
រដ្ឋាភិបាលកម្ពុជាកំពុងត្រៀមលក្ខណៈបញ្ជូនទាហានវិស្វកម្មចំនួន ២៩៩ នាក់ ទៅកាន់ប្រទេសម៉ាលីនៅខែធ្នូ ចុងឆ្នាំ២០១៣ នេះ។ នេះបើយោងតាមលោកឧត្តមសេនីយ៍ សែម សុវណ្ណី អគ្គនាយកវិទ្យាស្ថានជាតិគ្រប់គ្រងកងរក្សាសន្តិភាពបោសម្អាតមីន និងកាកសំណល់មិនទាន់ផ្ទុះ ដែលបានប្រាប់វិទ្យុបារាំងអន្តរជាតិនៅថ្ងៃសុក្រនេះ។ លោកឲ្យដឹងទៀតថា បច្ចុប្បន្ននេះ កងទ័ពមួកខៀវកម្ពុជាចំនួន ១៤៩ នាក់កំពុងបំពេញបេសកកម្មនៅក្នុងប្រទេសស៊ូដង់ខាងត្បូង និង ២១៨នាក់ផ្សេងទៀត នៅក្នុងប្រទេសលីបង់។
ចុះផ្សាយនៅថ្ងៃ៖ កែប្រែថ្ងៃទី៖
គួររម្លឹកថា កាលពីឆ្នាំ ២០០៦ កម្ពុជាបានបញ្ជូនកងទ័ពរបស់ខ្លួនជាលើកដំបូងក្នុងក្របខណ្ឌនៃកងរក្សាសន្តិភាពរបស់អង្គការសហប្រជាជាតិ ជាលើកដំបូងទៅបំពេញបេសកកម្មនៅក្រៅប្រទេស។ រហូតមកទល់ពេលនេះ កងទ័ពកម្ពុជាសរុបជាង ១ ៦១០ នាក់ហើយ ដែលត្រូវបានបញ្ជូនទៅកាន់ប្រទេសស៊ូដង់ ស៊ូដង់ខាងត្បូង ឆាត អាហ្វ្រិកកណ្តាល លីបង់ និងស៊ីរី។ ពេលនេះ កងទ័ពកម្ពុជាកំពុងត្រៀមខ្លួនចេញទៅបំពេញបេសកកម្មនៅក្នុងប្រទេសម៉ាលីមួយទៀត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ