ប្រជាជនទៅធ្វើបុណ្យច្រើននៅថ្ងៃដាក់បិណ្ឌដំបូង តែថយចុះបន្ទាប់មកដោយខ្សោយថវិកា
ចុះផ្សាយនៅថ្ងៃ៖
ស្តាប់ - ០៨:១៣
ពិធីបុណ្យភ្ជុំបិណ្ឌគឺជាបុណ្យប្រពៃណីខ្មែរមួយដ៏ធំ ដែលប្រជាពលរដ្ឋខ្មែរបានប្រារព្ធប្រណិប័តន៍ធ្វើតៗគ្នាតាំងពីដើមរៀងមក។ ពិធីបុណ្យដែលឧទ្ទិសទៅដល់វិញ្ញាណក្ខន្ធ បុព្វការីជនដែលបានបាត់បង់ជីវិតទៅកាន់បរលោកខាងមុខនេះ បានប្រពឹត្តឡើងរយៈពេល១៥ថ្ងៃ គឺចាប់ពីថ្ងៃ១រោច ដល់ថ្ងៃ១៥រោច ខែភទ្របទ។ សម្រាប់ការចាប់ផ្តើមពិធីបុណ្យភ្ជុំបិណ្ឌនៅឆ្នាំនេះគេឃើញមានប្រជាពលរដ្ឋ នាំគ្នាទៅកាន់វត្តអារាមតាមទម្លាប់ ដើម្បីបោះបាយបិណ្ឌនិង ដាក់បិណ្ឌ ព្រមទាំងចែកគ្នាជាវេនចំពោះពុទ្ធបរិស័ទជើងវត្តនីមួយ។ ដោយឡែកបញ្ហាធនធានក៏ជាការកត់សម្គាល់មួយដែរ ដែលធ្វើឲ្យអ្នកទៅធ្វើបុណ្យមានការថយចុះ។