កម្ពុជាត្រៀមបញ្ជូនរូបចម្លាក់មុនសម័យអង្គរអោយចូលរួមក្នុងពិព័រណ៍អាស៊ីអាគ្នេយ៍ នៅសារមន្ទីរសហរដ្ឋអាមេរិក
ចុះផ្សាយនៅថ្ងៃ៖
ស្តាប់ - ០៧:៣៦
រូបចម្លាក់របស់កម្ពុជាដែលមានអាយុកាលជិត២ពាន់ឆ្នាំចំនួន២០រូប នឹងត្រូវធ្វើដំណើរទៅកាន់សហរដ្ឋអាមេរិកដើម្បីចូលរួមក្នុងពិធីពិព័រណ៍នៅសារមន្ទីរ Metropolitan ដ៏ល្បីល្បាញរបស់សហរដ្ឋអាមេរិក ក្នុងរយៈពេល៣ខែ។ ជាពិពរណ៌ដែលមានការចូលរួមពីបណ្តាប្រទេសអាស៊ាន ក្រោមប្រធានបទ "អាណាចក្រដែលបាត់បង់នៅសម័យកាលដំបូងនៃអាស៊ីអាគ្នេយ៍"។ នៅថ្ងៃចន្ទនេះ ក្រសួងវប្បធម៌ និងវិចិត្រសិល្បៈ បានធ្វើពិធីសាសនា និងរៀបចំទុកដាក់រូបចម្លាក់ទាំងអស់សម្រាប់ការចេញដំណើរនៅថ្ងៃអង្គារស្អែកទៅសហរដ្ឋអាមេរិក។ ប្រធានសារមន្ទីរ លោក គង់ វីរៈ បានឱ្យដឹងថា ការតាំងពីព័រណ៌នេះ គឺជាឱកាសដែលកម្ពុជាបង្ហាញភាពរុងរឿងរបស់អាណាចក្រកម្ពុជាកាលពីអតីតកាល ហើយរូបចម្លាក់នេះ ក៏ជាជាឯកអគ្គរដ្ឋទូតសុឆន្ទៈរបស់កម្ពុជាលើឆាកអន្តរជាតិ ដែលនឹងផ្សព្វផ្សាយពីកម្ពុជាផងដែរ។
