ឱកាសកំណត់ជ័យជំនះភាពយន្តខ្មែររឿង “កង្វះរូបភាព”បានមកដល់ហើយ
ចុះផ្សាយនៅថ្ងៃ៖
ស្តាប់ - ០៩:០៩
តើភាពយន្តឯកសាររឿង “កង្វះរូបភាព” អាចទទួលបានជ័យលាភីអូស្កាដែលឬអត់? នេះជាអ្វីដែលពលរដ្ឋខ្មែរកំពុងរង់ចាំ។ នៅរាត្រីថ្ងៃទី២មីនា នៅសហរដ្ឋអាមេរិក ដែលត្រូវនឹងវេលាព្រឹកថ្ងៃទី៣មីនា ម៉ោងនៅកម្ពុជា គណៈកម្មការពានរង្វាន់ភាពយន្តអូស្កា នឹងធ្វើពិធីប្រកាសជ័យលាភីភាពយន្តដែលត្រូវទទួលពានរង្វាន់ភាពយន្តអន្តរជាតិប្រចាំឆ្នាំ។ ចំណែក នៅកម្ពុជាពិធីអបអរសាទរព្រឹត្តិការណ៍ដែលផ្តល់កិត្តិយសធំបំផុតសម្រាប់វិស័យភាពខ្មែរមានរៀបចំធ្វើឡើង នៅឯមជ្ឈមណ្ឌលសោតទស្សន៍បុប្ផាណា កន្លែងដែលភាពយន្ត"កង្វះរូបភាព"ប្រសូត្រឡើង។ នៅទីនោះនឹងមានការជួបជុំមនុស្សជាច្រើនដើម្បីទស្សនាការផ្សាយផ្ទាល់ពីកម្មវិធីប្រគល់ពានរង្វាន់អូស្កា។
