បទយកការណ៍
ពលរដ្ឋសង្កាត់ស្ទឹងមានជ័យសកម្មទៅពិនិត្យបញ្ជីឈ្មោះបោះឆ្នោតខណៈដែលពលរដ្ឋមួយចំនួនមិនសូវចាប់អារម្មណ៍
ចុះផ្សាយនៅថ្ងៃ៖
ស្តាប់ - ០៨:៣៧
រយៈពេលបីថ្ងៃមកហើយដែលប្រជាពលរដ្ឋនៅទូទាំងប្រទេសបានទៅពិនិត្យមើលបញ្ជីឈ្មោះបោះឆ្នោតថ្មីដែលគណៈកម្មាធិការជាតិរៀបចំការបោះឆ្នោត បានបិទផ្សាយនៅតាមបណ្តាឃុំសង្កាត់នៅទូទាំងប្រទេស។ ដោយឡែកពលរដ្ឋក្នុងសង្កាត់ស្ទឹងមានជ័យ រាជធានីភ្នំពេញ បានបណ្តាក់គ្នាទៅពិនិត្យមើលបញ្ជីឈ្មោះបោះឆ្នោតថ្មីរបស់ខ្លួន។ ពលរដ្ឋស្ទឹងមានជ័យដែលបានឱ្យតម្លៃយ៉ាងខ្លាំងលើការបោះឆ្នោត ពលរដ្ឋទាំងនោះបានថែមទាំងហៅគ្នីគ្នា ឬក៏ទៅពិនិត្យមើលបញ្ជីឈ្មោះឱ្យគ្នាក៏មានដែរ បើទោះបីជា ពលរដ្ឋនៅតំបន់ទីក្រុងមួយចំនួនត្រូវបានគេមើលឃើញថា ពលរដ្ឋមួយចំនួនមិនសូវចាប់អារម្មណ៍ចំពោះការបោះឆ្នោត។
