លោក ប៉ាវ ស៊ីណា៖ ការវិវត្តផ្នែកនយោបាយ ជះឥទ្ធិពលដល់សេចក្ដីព្រាងច្បាប់សហជីព
ចុះផ្សាយនៅថ្ងៃ៖
ស្តាប់ - ០៩:១៥
នៅខែធ្នូនេះ មានការវិវត្តន៍ជាច្រើនពាក់ព័ន្ធនឹងសេចក្ដីព្រាងច្បាប់ស្ដីពីសហជីព។ កាលពីថ្ងៃទី៤ធ្នូកន្លងទៅ លោក កឹម សុខា ប្រធានស្ដីទីគណបក្សសង្គ្រោះជាតិ បានជួបពិភាក្សាជាមួយតំណាងសហជីព អំពីក្ដីបារម្ភរបស់សហជីពចំពោះសេចក្ដីព្រាងច្បាប់នេះ។ ចំណែកសិក្ខាសាលាពិគ្រោះយោបល់លើសេចក្ដីព្រាងច្បាប់សហជីពដែលគ្រោងធ្វើនៅថ្ងៃទី១៥ធ្នូខាងមុខ ក៏ត្រូវបានរដ្ឋសភាលើកទៅធ្វើនាពេលក្រោយវិញផងដែរ។ ការវិវត្តថ្មីនេះ ត្រូវបាន លោក ប៉ាវ ស៊ីណា ប្រធានសម្ព័ន្ធសហជីពចលនាកម្មករ ដែលជាភ្ញៀវរបស់វិទ្យុយើងនៅថ្ងៃនេះ គូសបញ្ជាក់ថា កើតឡើងដោយសារតែការវិវត្តផ្នែកនយោបាយ។ លោកបង្ហាញសេចក្ដីសង្ឃឹមថា ការវិវត្តថ្មីទាំងនេះ នឹងផ្ដល់ឱកាសឲ្យតំណាងរាស្ត្រមកពីគណបក្សជាប់ឆ្នោតទាំងពីរ ពិនិត្យពិភាក្សាលើសេចក្ដីព្រាងច្បាប់ស្ដីពីសហជីពបានស៊ីជម្រៅជាងមុន តាមសំណើរបស់សហជីព។
