បទយកការណ៍
ក្រុមអ្នកភូមិបឹងកក់ អុជធូបបែរបន់អ្នកតាសូមដំណោះស្រាយចំពោះការបណ្តេញចេញ
ចុះផ្សាយនៅថ្ងៃ៖
ស្តាប់ - ០៨:២៣
ក្រុមអ្នកភូមិប្រមាណ ១០០ នាក់ ក្នុងតំបន់បឹងកក់ បានប្រមូលផ្តុំគ្នាអុជធូបសែនព្រេននំចំណី បែរបន់ និងរៀបរាប់ពីទុក្ខវេទនា ប្តឹងផ្តល់នៅមុខខ្ទមអ្នកតាក្នុងភូមិ។ ខ្ទមលោកតាប្រាក់ និងលោកយាយ ម៉ៅ ស្ថិតនៅជាប់នឹងផ្លូវលំ ខាងជើងវិហារចាម ក្រោយមន្ទីរពេទ្យកាល់ម៉ែត្រ ក្នុងតំបន់បឹងកក់។ អាស្រមអ្នកតានោះ ស្ថិតនៅជិតការិយាល័យក្រុមហ៊ុន ស៊ូកាគូ ត្រូវបានអ្នកភូមិ សំពះបួងសួង ដល់បារមីអ្នកតា ឲ្យជួយបន្ទន់ចិត្តក្រុមហ៊ុន ដើម្បីឲ្យពួកគេទទួលបានសំណងសមរម្យ និងអ្នកខ្លះទៀត សូមបន្តរស់ ក្នុងប្លុកបឹងកក់ ដែលកំពុងអភិវឌ្ឍ ដោយធ្វើ ឲ្យប្រជាជនជាង ៤.០០០ គ្រួសារ ត្រូវបណ្តេញចេញពីលំនៅឋាន ចាប់តាំងពីឆ្នាំ២០០៦។
