ក្បួនដង្ហែដាក់ញត្តិរបស់សមាគមន៍កម្ពុជាក្រោមគ្មានអំពើហិង្សា និងការរារាំងទេ
ចុះផ្សាយនៅថ្ងៃ៖
ស្តាប់ - ០៨:១២
ក្បួនដង្ហែដាក់ញត្តិរបស់សមាគមកម្ពុជាក្រោម គ្មានអំពើហិង្សា និងការរារាំងទេ។ មនុស្សរាប់រយនាក់ ដែលរួមមានព្រះសង្ឃ និងប្រជាពលរដ្ឋផងនោះ បានដាក់ញត្តិចំនួន៧ផ្សេងគ្នា ទៅកាន់ស្ថានទូតប្រទេសមហាអំណាចទាំង៥ និងប្រទេសវៀតណាម។ ជាការដើរដាក់ញត្តិ ដើម្បីឲ្យអ្នកនាំពាក្យស្ថានទូតវៀតណាមប្រចាំនៅកម្ពុជា សុំទោសប្រជាពលរដ្ឋខ្មែរជាសាធារណៈ ចំពោះអ្វីដែលពលរដ្ឋខ្មែរចោទថា បាននិយាយបំភ្លៃការពិត ព្រោះតែរឿងទឹកដីកម្ពុជាក្រោម ដែលអ្នកនាំពាក្យស្ថានទូតរូបនេះ អះអាងថា មិនមែនបារាំងកាត់ទៅឲ្យវៀតណាមនោះទេ។ ពោលគឺជាទឹកដីដែលវៀតណាម កាន់កាប់តាំងពីយូរយារណាស់មកហើយ។ គួរជម្រាបជូនដែរថា ក្បួនដង្ហែដែលមានមនុស្សចូលរួមដាច់កន្ទុយភ្នែកនេះ បានប្រព្រឹត្តទៅដោយសន្តិវិធី។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ