គ្រាប់កាំភ្លើង “អនាថា” បានប្រហារយុវជនម្នាក់ឲ្យផ្ញើវាសនាលើរទេះរុញអស់មួយជីវិត
ចុះផ្សាយនៅថ្ងៃ៖
ស្តាប់ - ០៩:១២
ជិត ៩ខែមកហើយ ស្រមោលអន្ធការ នៅតែតាមលងយុវជន ហឿន ចាន់ ស្ទើរគ្រប់ពេលវេលា។ ជាស្រមោលខ្មៅងងឹតតែមួយពព្រិចភ្នែកសោះ តែបានធ្វើឲ្យយុវជនស្លូតត្រង់ម្នាក់នេះ ត្រូវផ្ញើវាសនាលើរទេះរុញអស់មួយជីវិត។ នោះ គឺនៅក្នុងហេតុការណ៍ប៉ះទង្គិចគ្នាមួយ រវាងកងកម្លាំងប្រដាប់អាវុធ និងកម្មកររោងចក្រ SL នៅម្តុំវត្តស្ទឹងមានជ័យ កាលពីអំឡុងខែវិច្ឆិកា ឆ្នាំ ២០១៣កន្លងទៅ មានគ្រាប់កាំភ្លើង “អនាថា” មួយគ្រាប់ ដែលគេសង្ស័យថា បានហោះចេញចុងកាណុង របស់សមត្ថកិច្ចនោះ បានមកទម្លុះឆ្អឹងខ្នងយុវជន ហឿន ចាន់ ពេលឈរមើលហេតុការណ៍នោះ។ បច្ចុប្បន្ន យុវជនរូបនេះ កំពុងស្នាក់នៅមណ្ឌលមូលនិធិជនពិការ ដើម្បីព្យាបាលតាមបែបធ្វើចលនា ដែលការសង្ឃឹមថា នឹងជាសះស្បើយឡើងវិញនោះ គ្មានទាល់តែសោះ។ សម្រាប់ ហឿន ចាន់ យុត្តិធម៌ គឺនៅឯជើងមេឯណោះ។