ព្រឹត្តិការណ៍កម្ពុជាប្រចាំថ្ងៃ
សវនាការតុលាការខ្មែរក្រហម អាចនឹងគាំងជាលើកទី២
ចុះផ្សាយនៅថ្ងៃ៖
ស្តាប់ - ០៩:០៥
សវនាការនៃសំណុំរឿង០០២ វគ្គ២ ដែលតុលាការខ្មែរក្រហមប្រកាស នឹងត្រូវធ្វើឡើង នៅថ្ងៃទី១៧វិច្ឆិកាខាងមុខនោះ គឺអាចប្រឈមនឹងការគាំងដំណើរការជាលើកទី២។ គាំង ក៏ព្រោះតែ មេធាវីការពារក្តីឱ្យជនជាប់ចោទ លោក នួន ជា និងលោក ខៀវ សំផននោះ ប្រកាសមិនចូលរួម បើកសវនាកាជាដដែល។ ហើយពួកគេហៅការបង្គាប់បញ្ជារបស់តុលាការ និងការព្រមានថា ជាការរំលោភសិទ្ធិ និងខុសក្រមសីលធម៌របស់មេធាវីកម្ពុជា។ យ៉ាងណាក៏ដោយ អ្នកឃ្លាំមើលដំណើរការនៃសាលាក្តីខ្មែរក្រហម ហៅការប្រកាន់គោលជំហរទាំងសងខាងនេះ ថាជាចំណុចទាល់ច្រក ដែលទាមទារឱ្យតុលាការប្រើប្រាស់យន្តការសម្របសម្រួលមួយ។
