លោកនាយករដ្ឋមន្ត្រីកម្ពុជា៖កុំយកស្ត្រីដាក់បន្តុបតំណែងដើម្បីគ្រាន់តែលម្អរោង
លោក នាយករដ្ឋមន្ត្រី ហ៊ុន សែន បានថ្លែងថា គ្រប់ស្ថាបន័ទាំងអស់អាចផ្តល់តំណែងជូនដល់ស្ត្រីលើសពីកូតាដែលបានកំណត់ ប្រសិនបើស្ត្រីនោះមានសមត្ថភាពការងារ ។ តែសូមកុំអោយមានការតែងតាំងដើម្បីតែលម្អរោង ឬអោយតែគ្រប់កូតា។ទន្ទឹមនឹងនេះលោកក៏បានជម្រុញដល់ស្ត្រីទាំងឡាយត្រូវតែពង្រឹងសមត្ថភាពរបស់ខ្លួន ដើម្បីកាន់កាប់តំណែងជាថ្នាក់ដឹកនាំ។ លោកបានថ្លែងបែបនេះនៅក្នុងពិធីបិទវេទិកាជាតិ ស្តីពី "ស្ត្រីជាថ្នាក់ដឹកនាំក្នុងវិស័យសាធារណៈ និងគោលនយោបាយ" នៅវិមានសន្តិភាព នាព្រឹកថ្ងៃទី១៥ ខែធ្នូនេះ។
ចុះផ្សាយនៅថ្ងៃ៖
ស្តាប់ - ០១:៤៧
ការតែងតាំងគ្រាន់តែយកតួនាទីបែបនេះ នឹងធ្វើអោយថមថយចុះ នូវការចូលរួមរបស់ស្ត្រីនៅក្នុងឆាកនយោបាយនិងការសម្រចចិត្តនានា។ នេះបើតាមប្រសាសន៍របស់ថ្នាក់ដឹកនាំកំពូលរបស់កម្ពុជា។ លោក ហ៊ុន សែន បានអំពាវនាវទៅកាន់ទាំងស្ថាបន័ និង បុគ្គលជាស្ត្រីផ្ទាល់ធ្វើយ៉ាងណាដើម្បីជម្រុញអោយការកាន់តួនាទីជាអ្នកដឹកនាំរបស់ស្ត្រី មានប្រសិទ្ធិភាព។
ក្រៅពីនេះ លោក នាយករដ្ឋមន្ត្រីហ៊ុនសែន ក៏បានអំពាវនាវអោយគ្រប់គណបក្សនយោបាយទាំងអស់ ដាក់បេក្ខភាពស្ត្រីចូលទៅក្នុងការបោះឆ្នោត ទាំងថ្នាក់ជាតិ និងថ្នាក់ឃុំសង្កាត់ ផងដែរ។
ទាក់ទងនឹងសមភាពយេនឌរ័នៅកម្ពុជា លោកនាយករដ្ឋមន្ត្រី ហ៊ុន សែន បានទទួលស្គាល់ថា កម្ពុជានៅមានបញ្ហាមួយចំនួនដែលត្រូវបន្តដោះស្រាយ បើទោះបីជាបច្ចុប្បន្ននេះ សមភាពយ៉េនឌរ័មានភាពល្អប្រសើរក៏ដោយ ។បញ្ហាទាំងនោះរួមមានដូចជា ទី១- ការចូលរួមរបស់ស្ត្រីទាំងវិសយ័សេដ្ឋកិច្ចនិងនយោបាយដែលនៅមានកំរិតនៅឡើយ។ ទី២ វិសមភាពក្នុងវិសយ័អប់រំ ។ទី៣បញ្ហាសុខភាព ស្ត្រី និងទី៤ គឺការដោះស្រាយ បញ្ហាអំពើហឹង្សារំលោភបំពានលើស្ត្រីនិងកុមារី ដែលលោកនាយករដ្ឋមន្ត្រីថ្លែងថា មិនទាន់មានដំនើរការរលូន និង មិនទាន់ពេលនោះទេ។
លោកនាយករដ្ឋមន្ត្រីហ៊ុនសែន នៅក្នុងឱកាស បិទវេទិកាជាតិ ស្តីពី "ស្ត្រីជាថ្នាក់ដឹកនាំក្នុងវិស័យសាធារណៈ និងគោលនយោបាយ" នៅវិមានសន្តិភាព នាព្រឹកថ្ងៃទី១៥ ធ្នូ ក៏បានលើកឡើងថា ការចូលរួមរបស់ស្ត្រីនៅគ្រប់វិសយ័គឺចាំបាច់ណាស់ ដើម្បីសម្រេចគោលដៅអភិវឌ្ឍន៍សង្គម និង សេដ្ឋកិច្ចដោយចីរភាព៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ