ថ្ងៃចូលឆ្នាំចិន៖ ទម្លាប់ធំជាងច្បាប់
ចុះផ្សាយនៅថ្ងៃ៖
ស្តាប់ - ០៨:៣៦
ថ្ងៃទី ១៩ ២០ និង ២១ ខែកុម្ភៈ ឆ្នាំ២០១៥ នេះ គឺជារយៈពេលបុណ្យចូលឆ្នាំចិននិងវៀតណាម។ ក្នុងរយៈពេលនេះ នៅកម្ពុជាពលរដ្ឋចិន និងអ្នកជាប់សែស្រឡាយចិន និងវៀតណាមក៏បានឈប់សម្រាកពីការងារ និងកិច្ចការរកស៊ីដើម្បីចូលរួមពិធីបុណ្យប្រពៃណីនេះយ៉ាងច្រើនកុះកុរ។ ហើយក្នុងរយៈពេលនេះដែរ សេវាសាធារណៈរបស់រដ្ឋមួយចំនួន និងសាលារៀន បានផ្អាកដំណើរផងដែរ។ ប្រការនេះ បានជំរុញឱ្យមានការលើកឡើងថា ការឈប់សម្រាកក្នុងពិធីបុណ្យចូលឆ្នាំចិនពីសំណាក់ស្ថាប័នរដ្ឋនានាដែលមានដូចជាសាលារៀន និងបណ្តាស្ថាប័នសាធារណៈផ្សេងទៀត គឺក្លាយជាទម្លាប់ឈប់ដែលធំជាងច្បាប់ទៅហើយ។ ធំជាងច្បាប់ព្រោះតែជាការឈប់សម្រាកដែលមិនមានចែងក្នុងប្រតិទិនឈប់សម្រាក។