ភ្ញៀវប្រចាំថ្ងៃរបស់យើងនៅយប់នេះ គឺលោក យ៉ាន់ បូរិន្ទ ដែលជាសាស្ត្រាចារ្យចូលនិវត្តន៍ របស់សាកលវិទ្យាល័យភូមិន្ទវិចិត្រសិល្បៈ។ លោកបានបង្រៀនកំណាព្យ មហោរី និងយឺកេ អស់ជាង៣០ឆ្នាំហើយ។ ក្នុងវ័យចុងក្រោយពេលចូលនិវត្តន៍នេះ លោក សាស្ត្រាចារ្យ យ៉ាន់ បូរិន្ទ នៅតែឆ្លៀតបើកវគ្គបណ្តុះបណ្តាលជំនាញសិល្បៈទាំងនេះថែមទៀត។ ថ្លែងក្នុងនាទីភ្ញៀវប្រចាំថ្ងៃរបស់វិទ្យុបារាំង លោកព្រឹទ្ធាចារ្យអាយុ៦៨ឆ្នាំរូបនេះ លើកឡើងថា៖ «កំណាព្យ មហោរី និងយឺកេ ជិតស្លាប់ហើយ! ដូច្នេះ សូមស្ថាប័នពាក់ព័ន្ធជួយស្រោចស្រង់ និងចេះប្រើអ្នកជំនាញផង!»។
