លោក ហ៊ុន សែន សរសើរការផ្ដួចផ្ដើមរបស់ចិនអំពីគោលនយោបាយផ្លូវមួយខ្សែក្រវាត់មួយ
លោកនាយករដ្ឋមន្ដ្រី ហ៊ុន សែន នៅថ្ងៃព្រហស្បតិ៍នេះ បានអញ្ជើញបើកវេទិកាសេដ្ឋកិច្ចពិភពលោកស្ដីពីអាស៊ាន ឆ្នាំ២០១៧ ដែលប្រារព្ធធ្វើនៅសណ្ឋាគារសុខា ក្នុងរាជធានីភ្នំពេញ។
ចុះផ្សាយនៅថ្ងៃ៖
ស្តាប់ - ០២:០៧
នៅក្នុងសុន្ទរកថាបើកវេទិកា លោក ហ៊ុន សែន បានលើកឡើងអំពីការរីកចម្រើនដ៏ឆាប់រហ័សនៃប្រព័ន្ធបច្ចេកវិទ្យានិងឌីជីថល ក៏ដូចការប្រឈមនានា ដែលលោកគូសបញ្ជាក់ថា អាស៊ានត្រូវតែរួមគ្នាពុះពារជំនះ។ បញ្ហាទាំងនោះមានជាអាថិ៍ ការកើនឡើងនូវចរន្តប្រឆាំងសាកលភាវូបនីយកម្ម គោលនយោបាយជាតិនិយមនិងប្រជាភិថុតិនិយម កម្ដៅនៃវិវាទនៅតាមតំបន់មួយចំនួន និងភាពមិនប្រាកដប្រជានៃសេដ្ឋកិច្ចពិភពលោក។ល។
តាមរយៈសំណួររបស់អ្នកសារព័ត៌មាន លោកនាយករដ្ឋមន្ដ្រីក៏បានឆ្លៀតឱកាសកោតសរសើរយ៉ាងខ្លាំងចំពោះគំនិតផ្ដួចផ្ដើមរបស់ចិន ទាក់ទងនឹងយុទ្ធសាស្ត្រផ្លូវមួយខ្សែក្រវាត់មួយ ផ្លូវសូត្រ និងផ្លូវសូត្រសមុទ្រសតវត្សទី២១ផងដែរ។ ជាគំនិតផ្ដួចផ្ដើមដែលលោកចាត់ទុកថា ផ្ដល់ប្រយោជន៍យ៉ាងច្រើនដល់អាស៊ាន និងពិភពលោក។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ