កសិករនៅត្បូងឃ្មុំ៖ ប្តេជ្ញាទៅការបោះឆ្នោតនិងស្នើសុំឱ្យរដ្ឋគិតគូរពីបញ្ហាកសិកម្ម និងហេដ្ឋារចនាសម្ព័ន្ធ
ចុះផ្សាយនៅថ្ងៃ៖
ស្តាប់ - ០៨:៣១
ភូមិព្រៃស្រឡៅគឺជាភូមិមួយដែលមានចំងាយប្រមាណពី២ទៅ៣គីឡូម៉ែត្រចេញពីផ្សារអូរាំងឪនៃខេត្តត្បូងឃ្មុំចូលទៅតាមផ្លូវលំលគ្រហីកគ្រហុកមួយ ហើយបន្តធ្វើដំណើរចូលតាមផ្លូវដីក្រហមទើបដល់ភូមិព្រៃស្រឡៅ។ អ្នកភូមិនេះ សុទ្ធសឹងតែជាអ្នកស្រែចំការ ស៊ីឈ្នួលជម្រះស្មៅចម្ការកៅស៊ូ ដោយឡែកូនចៅគឺជាកម្មកររោងចក្រ។ ពលរដ្ឋក្នុងភូមិខ្លះក៏បានចំណាកស្រុកទៅខេត្តជាយដែន និងប្រទេសថៃ និងកូរ៉េផងដែរ។ ភាគច្រើនបំផុតអ្នកភូមិនៅទីនៅចង់ការយកចិត្តទុកដាក់លើបញ្ហាកសិកម្មដែលរដ្ឋមិនបានយកចិត្តទុកដាក់ បន្ថែមពីនេះ ពួកគាត់ចង់បានហេដ្ឋារចនាសម្ព័ន្ធល្អ និងស្ថេរភាពសង្គមផងដែរ។ បើទោះបីជាពលរដ្ឋនៅមានការខ្វះខាតសម្រាប់ជីវិភាពប៉ុន្តែពួកគាត់បានឱ្យតម្លៃខ្ពស់ចំពោះការបោះឆ្នោតក្រុមប្រឹក្សាឃុំសង្កាត់ដែលនឹងចូលមកដល់ប្រមាណ១ខែទៀតតែប៉ុណ្ណោះ។