វិសោធនកម្មបទបញ្ជាផ្ទៃក្នុងរដ្ឋសភាប្រការ ៤៨ថ្មី(បី) នឹងធ្វើឲ្យគាំងដល់ការចរចា?
ចុះផ្សាយនៅថ្ងៃ៖
ស្តាប់ - ០៩:៣២
ពីប្រទេសស្វីស ទីដែលមានការបើកកិច្ចប្រជុំវេទិកាសេដ្ឋកិច្ចពិភពលោក លោកនាយករដ្ឋមន្ត្រី ហ៊ុន សែន បានថ្លែងប្រាប់កាសែតអនឡាញក្នុងស្រុកខ្មែរកាលពីម្សិលមិញថា លោកត្រូវតែធ្វើវិសោធនកម្មប្រការ ៤៨ថ្មី (បី) ហើយវិលទៅប្រើប្រការ ៤៨ (ពីរ) នៃបទបញ្ជាផ្ទៃក្នុងនៃរដ្ឋសភាវិញ។ លោកនាយករដ្ឋមន្ត្រីលើកឡើងថា យន្តការដែលទើបបង្កើតឡើងតាមរយៈប្រការ ៤៨ថ្មី (បី) នៃបទបញ្ជាផ្ទៃក្នុងពិបាកក្នុងការធ្វើការ រួមទាំងប៉ុនប៉ងចរចាដោះលែងអ្នកទោស ដែលបំពានដល់អំណាចតុលាការផងនោះ។ អ្នកតាមដាននយោបាយនានាបានសម្តែងនូវការបារម្ភលាយឡំនឹងការសង្ឃឹមតិចតួចចំពោះការជួបជជែកគ្នារវាងគណបក្សទាំងពីរ។