វត្តមានរបស់តំណាងរាស្ត្របក្សប្រឆាំងនៅក្នុងសវនាការ ធ្វើឲ្យសវនាការជាប់គាំង
ចុះផ្សាយនៅថ្ងៃ៖
ស្តាប់ - ០៨:៣៦
សវនាការនៅសាលាដំបូងរាជធានីភ្នំពេញទៅលើជនជាប់ចោទ ដែលជាសកម្មជនគណបក្សសង្គ្រោះជាតិកាលពីម្សិលមិញ ដែលបានជាប់ទាក់ទងទៅនឹងអំពើហឹង្សានៅទីលានប្រជាធិបតេយ្យកាលពីខែកក្កដាឆ្នាំ២០១៤កន្លងទៅនេះ បានផ្ទុះចេញនូវភាពចំរូងចំរាស់គ្នាមួយរវាងក្រុមមេធាវីការពារជនជាប់ចោទ និងក្រុមប្រឹក្សាជំនុំជម្រះ។ តាមសំណើរបស់មេធាវីដើមបណ្តឹងរដ្ឋប្បវេណី ក្រុមមេធាវីនេះបានស្នើសុំទៅក្រុមប្រឹក្សាជំនុំជម្រះ មិនឲ្យមានវត្តមានអ្នកតំណាងរាស្ត្រ៣នាក់របស់គណបក្សប្រឆាំងនៅក្នុងបន្ទប់សវនាការ។ ក៏ប៉ុន្តែត្រូវបានឆ្លើយតបវិញដោយក្រុមមេធាវីការពារជនជាប់ចោទ តាមរយៈការដើរចេញពីបន្ទប់សវនាការ។ ជាទិដ្ឋភាពច្បាប់ ត្រូវបានបកស្រាយផ្ទុយគ្នារវាងមេធាវីទាំងពីក្រុម លើការសម្រេចរបស់អង្គជំនុំជម្រះសាលាដំបូងរាជធានីភ្នំពេញ។
