តើអាចទៅរួចទេដែលប្រទេសហត្ថលេខីកិច្ចព្រមព្រៀងសន្តិភាពប៉ារីសបើកកិច្ចប្រជុំជាថ្មីស្តីពីកម្ពុជា?
ចុះផ្សាយនៅថ្ងៃ៖
ស្តាប់ - ១២:៤៥
ថ្ងៃទី២៣ តុលា ឆ្នាំ១៩៩១-ថ្ងៃទី២៣ តុលា ឆ្នាំ២០១៨នេះ គឺជាគម្រប់ខួប២៧ឆ្នាំនៃកិច្ចព្រមព្រៀងសន្តិភាពទីក្រុងប៉ារីស។ កិច្ចព្រមព្រៀងសន្តិភាពទីក្រុងប៉ារីសនេះ ត្រូវបានលើកឡើងយ៉ាងផុសផុល បន្ទាប់ពីមានបញ្ហានយោបាយនៅកម្ពុជា ក្រោយការរំលាយបក្សសង្រ្គោះជាតិ ការចាប់ខ្លួនមេបក្សនេះដាក់ពន្ធនាគារ ក៏ដូចជាការហាមឃាត់មន្រ្តីអតីតបក្សប្រឆាំង១១៨នាក់មិនឲ្យធ្វើនយោបាយ។ មន្រ្តី និងអ្នកគាំទ្រអតីតបក្សប្រឆាំងនៅក្រៅប្រទេស បានធ្វើបាតុកម្មនានា និងបានដាក់សំណើផងទៅកាន់ប្រទេសដែលជាហត្ថលេខីនៃកិច្ចព្រមព្រៀងសន្តិភាពក្រុងប៉ារីសដោយស្នើឲ្យបើកកិច្ចប្រជុំជាថ្មីស្តីពីបញ្ហាកម្ពុជា ព្រោះពួកគេចោទថា រដ្ឋាភិបាលខ្មែរបានធ្វើខុសនឹងខ្លឹមសារនៃកិច្ចព្រមព្រៀងនេះ។ តើវាអាចទៅរួចទេដែលប្រទេសហត្ថលេខីទាំងនោះនឹងបើកកិច្ចប្រជុំជាថ្មីទាក់ទងនឹងបញ្ហាកម្ពុជា?