បទសម្ភាស
លោក ទៀ សុខា៖ កម្ពុជាពន្លិចកុងតឺន័រចាស់ៗទៅក្នុងសមុទ្រជាលើកដំបូង ដើម្បីការពារជីវៈចម្រុះនិងផ្កាថ្ម
ចុះផ្សាយនៅថ្ងៃ៖
ស្តាប់ - ១០:០៥
កម្ពុជា កាលពីថ្ងៃទី២៩ខែមេសា បានពន្លិចកុងតឺន័រចាស់ៗចំនួនពីរទៅក្នុងបាតសមុទ្រជាលើកដំបូងស្ថិតនៅក្នុងតំបន់កោះរ៉ុង។ ការធ្វើបែបនេះ នាំឲ្យមានការព្រួយបារម្ភថា វានឹងធ្វើឲ្យប៉ះពាល់ដល់បរិស្ថានសមុទ្រកម្ពុជា។ ប៉ុន្តែ ក្នុងនាមជាភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI លោកឧត្តមនាវីឯក ទៀ សុខា មេបញ្ជាការរងកងទ័ពជើងទឹក និងជាមេបញ្ជាការជួរមុខ គណៈកម្មាធិការជាតិសន្តិសុខលម្ហសមុទ្រ បានពន្យល់ថា ផ្ទុយទៅវិញ ការធ្វើបែបនេះ គឺដើម្បីធ្វើជារបាំងការពារជីវៈចម្រុះ និងផ្កាថ្ម ក្នុងតំបន់កោះរ៉ុងទៅវិញទេ ខណៈដែលតំបន់កោះរ៉ុងបានក្លាយជាតំបន់ទាក់ទាញភ្ញៀវទេសចរណ៍ទៅមុជទឹកកំសាន្តនិងទស្សនាផ្កាថ្មនៅទីនោះ៕
