មិនមែនមាននៅតែស្រុកស្រែ ឬទីជនបទទេ មានអ្នកប្រកបរបរឡើងត្នោត។ នៅភ្នំពេញក៏មានអ្នកឡើងត្នោតដែរ។ អ្នកឡើងត្នោតនៅទីក្រុង ភាគច្រើនជាប្រជាពលរដ្ឋ ធ្វើចំណាកស្រុកមកពីស្រុកបាធាយ ខេត្តកំពង់ចាម។ តំបន់ដែលល្បីខាងផលិតស្ករត្នោតតំាងពីបុរាណមក។ ប៉ុន្តែនៅពេលមកឡើងត្នោត នៅភ្នំពេញ អ្នកស្រុកបាធាយ មិនបានយកទឹកត្នោតទៅធ្វើស្ករទេ។ ពួកគាត់ឡើងត្នោតទីក្រុងយកទឹកផលិតជាទឹកត្នោតជូរលក់។ នៅពេលដែលមនុស្សរាប់សិបនាក់រស់នឹងដើមត្នោតទីក្រុង និងនៅពេលដែលដើមត្នោតជាអត្តសញ្ញាណមួយរបស់ខ្មែរ នៅធ្វើភ្នំពេញគេកាប់ដើមត្នោតមិនស្តាយឡើយ។ មិនស្តាយពីព្រោះ វាជាការអភិវឌ្ឍ។ គេកាប់ដើមត្នោត យកដីសាងសង់អគារ ផ្ទះល្វែងជាដើម។
