អ្នកកាសែតខ្មែរប្រកាសលក់ផ្ទះជាបន្តបន្ទាប់ ក្រោយធ្លាក់ខ្លួនឈឺធ្ងន់
ចុះផ្សាយនៅថ្ងៃ៖
ស្តាប់ - ០៨:២៤
កាលពីថ្ងៃទី៣ឧសភាកន្លងទៅនេះ អ្នកកាសែតនៅក្នុងប្រទេសកម្ពុជា បានអបអរសាទរទិវាសេរីភាពសារព័ត៌មានពិភពលោក យ៉ាងគគ្រឹកគគ្រែង ជាមួយនឹងការរីកចំរើនលើវិស័យមួយនេះ។ ក្នុងនោះក៏មានការសង្កេតឃើញថា បណ្តាញផ្សព្វផ្សាយព័ត៌មាននៅក្នុងប្រទេសកម្ពុជា កំពុងមានការកើនឡើង ទាំងស្ថាប័នកាសែត ទស្សនាវដ្តី វិទ្យុ និងទូរទស្សន៍ផង។ ក៏ប៉ុន្តែទន្ទឹមនឹងការរីកដូចផ្សិតនៃស្ថាប័នព័ត៌មាននៅកម្ពុជានេះ បញ្ហាប្រឈមរបស់អ្នកកាសែតផ្ទាល់ ក៏មានច្រើនដែរ ពិសេសលើបញ្ហាជីវិភាពនៅពេលធ្លាក់ខ្លួនឈឺ។ អ្នកកាសែតខ្លះ ពេលធ្លាក់ខ្លួនឈឺ ស្ទើតែមិនអាចរកប្រាក់ដើម្បីព្យាបាលជម្ងឺបានផង។ មធ្យោបាយតែមួយគត់ គឺអំពាវនាវលក់ផ្ទះដែលខ្លួន កំពុងរស់នៅ។លោក វីន ឆាយ គឺជាអ្នកកាសែតម្នាក់ ក្នុងចំណោមអ្នកកាសែតទាំងនោះ។
