ការប្រគល់ផែនទីពីUN នឹងនាំឱ្យកម្ពុជាបញ្ចប់ជម្លោះនយោបាយផ្ទៃក្នុងដែលកំពុងឡើងកម្តៅឬទេ?
ចុះផ្សាយនៅថ្ងៃ៖
ស្តាប់ - ០៨:២១
រដ្ឋាភិបាលកម្ពុជាបានរៀបចំក្រុមការងារចំពោះកិច្ចរួចជាស្រេចដើម្បីពិនិត្យនិងផ្ទៀងផ្ទាត់ផែនទីដែលអង្គការសហប្រជាជាតិបានយល់ព្រមឲ្យកម្ពុជាខ្ចីដើម្បីបញ្ចប់ជម្លោះនយោបាយផ្ទៃក្នុងស្តីពីបញ្ហាព្រំដែនកម្ពុជា-វៀតណាមដែលកំពុងកើនឡើងកម្តៅ។ រដ្ឋាភិបាលបានលើកឡើងថាបញ្ហាព្រំដែនគឺជារឿងខ្មែរគ្រប់រូប ព្រោះថារដ្ឋាភិបាលចង់រកឯកភាពគ្នាចំពោះបញ្ហាព្រំដែនជាមួយនឹងវៀតណាម។ ដោយឡែកបក្សប្រឆាំងវិញ ផែនទីដែលអង្គការសហប្រជាជាតិផ្តល់ឲ្យជាបឋមនេះគឺនឹងមិនអាចដោះស្រាយបញ្ហាបាននោះទេ ព្រោះថាមិនមែនជាផែនទីដែលកម្ពុជាតម្កល់នៅអង្គការសហប្រជាជាតិតាមរដ្ឋធម្មនុញ្ញរបស់កម្ពុជានោះទេ។ តើការផ្តល់ផែនទីពីអង្គការសហប្រជាជាតិនេះ ពិតជាអាចបញ្ចប់ជម្លោះនយោបាយផ្ទៃក្នុងកម្ពុជារឿងព្រំដែនដែលកំពុងកើនឡើងកម្តៅមែនដែរឬទេ?