លោក ហ៊ុន សែន បញ្ជាក់ថា«ខ្មោចដែលងាប់ទៅហើយ មិនអាចរស់ឡើងវិញបានទេ»
នៅក្នុងជំនួបសំណេះសំណាលជាមួយកម្មករ កម្មការិនី នៅខេត្តកណ្តាលនាព្រឹកថ្ងៃពុធនេះដែរ លោកនាយករដ្ឋមន្ត្រី ហ៊ុន សែន បានប្រាប់ទៅកាន់អ្នកលើកឡើងពីការរំពឹងថាមានការបន្ធូបន្ថយស្ថានការណ៍នយោបាយកម្ពុជាថា កុំឲ្យសង្ឃឹមថាខ្មោច ដែលងាប់ទៅហើយ អាចរស់ឡើងវិញបាននោះ។ ការបញ្ជាក់របស់លោក ហ៊ុន សែន ដូច្នេះគឺ បន្ទាប់ពីមានការលើកឡើង ពីសំណាក់អ្នកតាមដាននយោបាយ និងសង្គមកម្ពុជាមួយចំនួន តាមប្រព័ន្ធផ្សព្វផ្សាយ ថានឹងអាចមានការចរចា ឬអាចមានគំនាបពីអន្តរជាតិជំរុញឲ្យមានការចរចា ខណៈលោកនាយករដ្ឋមន្ត្រី បានចេញទៅបំពេញការងារ និងចូលរួមកិច្ចប្រជុំជាច្រើននៅក្រៅប្រទេស។ ដោយឡែក ពាក្យថាខ្មោច ដែលងាប់ទៅហើយនោះ ត្រូវគេគិតថាជាអតីតគណបក្សសង្គ្រោះជាតិ ដែលត្រូវតុលាការកំពូលចេញសាលដីការរំលាយចោល កាលពីមុនការបោះឆ្នោតជ្រើសតាំងតំណាងរាស្ត្រនីតិកាលទី៦នេះ។
ចុះផ្សាយនៅថ្ងៃ៖ កែប្រែថ្ងៃទី៖
សូមអញ្ជើញស្តាប់ប្រសាសន៍របស់លោកនាយករដ្ឋមន្ត្រី ហ៊ុន សែន ដែលជាការរៀបចំជូនដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ