លោកប៊ុន មុនី៖«មុននឹងខ្ចីលុយ ប្រជាពលរដ្ឋត្រូវសុំមើលច្បាប់នឹងអាជ្ញាបណ្ណពីធនាគារជាតិ»
ចុះផ្សាយនៅថ្ងៃ៖
ស្តាប់ - ១០:៣៩
ភ្ញៀវរបស់វិទ្យុបារាំងអន្តរជាតិ RFI នៅថ្ងៃអង្គារនេះ គឺលោកប៊ុន មុនី ប្រធានសមាគមគ្រឹះស្ថានមីក្រូហិរញ្ញវត្ថុកម្ពុជា និងជាប្រធាននាយកប្រតិបត្តិនៃគ្រឹះស្ថានមីក្រូហិរញ្ញវត្ថុស្ថាបនា។ ដើម្បីកុំឲ្យប្រជាពលរដ្ឋខ្មែរមានការចាញ់បោកក្រុមអ្នកចងការប្រាក់ក្រៅប្រព័ន្ធមួយចំនួន ដែលយកការប្រាក់ថ្លៃ ប៉ះពាល់ទៅដល់ភាពក្រីក្ររបស់ខ្លួន លោកប៊ុន មុនី អំពាវនាវឲ្យប្រជាជនពិនិត្យភាពស្របច្បាប់របស់អ្នកឲ្យខ្ចី មុននឹងសុំខ្ចីប្រាក់។ ការលើកឡើងនេះបានធ្វើឡើងបន្ទាប់ពីក្រសួងសេដ្ឋកិច្ច និងហិរញ្ញវត្ថុបានប្រកាសឲ្យក្រុមចងការប្រាក់ក្រៅប្រព័ន្ធពី២០០ទៅ៣០០ក្រុមសុំអាជ្ញាបណ្ណអាជីវកម្មពីធនាគារជាតិ។
