បទយកការណ៍
អ្នកសារព័ត៌មានធ្វើរឿងស៊ើបអង្កេតស៊ីជម្រៅនៅកម្ពុជាដោយភាពភ័យខ្លាច
ចុះផ្សាយនៅថ្ងៃ៖
ស្តាប់ - ១០:៤០
ការអបអរសេរីភាពសារព័ត៌មានពិភពលោក នាព្រឹកថ្ងៃចន្ទ ទី០៤ ខែឧសភា ពោលគឺមួយថ្ងៃក្រោយទិវាអន្តរជាតិនោះ បានប្រព្រឹត្តទៅ ដោយគ្មានវត្តមានរបស់លោក ខៀវ កាញារិទ្ធ រដ្ឋមន្ត្រីក្រសួងព័ត៌មានកម្ពុជា នៅឯសណ្ឋាគារកាំបូឌីយ៉ាណា ក្នុងទីក្រុងភ្នំពេញ។ អ្នកតំណាងរបស់លោករដ្ឋមន្ត្រី ថ្លែងថា រដ្ឋាភិបាលបាននិងកំពុងរៀបចំច្បាប់ស្តីពីសិទ្ធិទទួលបានព័ត៌មាន។ ថ្វីបើយ៉ាងនេះក្តី អ្នកសារព័ត៌មានខ្លះ នៅក្នុងពិធី បានសម្ដែងសេចក្តីព្រួយបារម្ភថា ច្បាប់ថ្មីនោះនឹងមិនសម្រួលការងាររបស់អ្នកកាសែតនៅកម្ពុជាឡើយ។