អ្នកកាសែត មិនអាចក្លាយជាអ្នកមានបានទេបើពឹងផ្អែកតែវិជ្ជាជីវៈព័ត៌មានតែមួយមុខ
ចុះផ្សាយនៅថ្ងៃ៖
ស្តាប់ - ០៩:២១
ក្រៅពីការបំពាក់ដោយក្រុមហ៊ុននូវសម្ភារៈ បរិក្ខារចាំបាច់នានា និងផ្តល់ជំនាញដែលបណ្តុះបណ្តាលពីស្នាក់ការកណ្តាលនៃស្ថាប័ននីមួយៗ អ្នកកាសែតមួយចំនួន មានលទ្ធភាពប្រើប្រាស់សម្ភារៈទំនើបៗដោយខ្លួនឯង ព្រមទាំងមានសមត្ថភាពបំពេញការងារបានល្អប្រសើរជាងអ្នកកាសែតកាលពីទសវត្សមុនៗ។ ទាំងអស់នេះ បង្ហាញថាកម្រិតជីវភាព និងចំណេះដឹងរបស់អ្នកកាសែតក៏មានការវិវត្តទៅតាមស្ថានភាពសេដ្ឋកិច្ចសង្គមផងដែរ។ នៅក្នុងឱកាសទិវាសេរីភាពសារព័ត៌មានអន្តរជាតិនៅថ្ងៃទី៣ខែឧសភានេះ អ្នកតាមដានស្ថានភាពសារព័ត៌មាននៅកម្ពុជានៅតែចាត់ទុកថាអ្នកកាសែតមិនអាចមានបានដោយសារអាជីពរបស់ខ្លួនបានឡើយ ប្រសិន បើក្រុមគ្រួសារមិនមានមុខរបរបន្ថែមក្រៅពីនេះ។
