ព្រឹត្តិការណ៍កម្ពុជាប្រចាំថ្ងៃ
ជំនួបសម រង្ស៊ី-កឹម សុខា ថ្ងៃនេះ នឹងផ្តោតសំខាន់លើបរិយាកាសនយោបាយនៅមុនការបោះឆ្នោត
ចុះផ្សាយនៅថ្ងៃ៖
ស្តាប់ - ០៩:១៤
សមាជិកគណៈកម្មាធិការអចិន្រ្តៃយ៍ គណបក្សសង្រ្គោះជាតិ ប្រមាណជា២០រូប ក្នុងនោះក៏មានលោក កឹម សុខា ផង បានធ្វើដំណើរចាកចេញពីប្រទេសកម្ពុជាទៅកាន់ប្រទេសហ្វីលីពីនជាបន្តបន្ទាប់ ចាប់តាំងពីថ្ងៃអាទិត្យម្សិលមិញ ដើម្បីជួបប្រជុំជាមួយលោក សម រង្ស៊ី ប្រធានគណបក្សដែលមិនអាចវិលចូលស្រុកបាន។ ជំនួបដែលធ្វើឡើងនៅក្រៅប្រទេសលើកនេះ ត្រូវបានគេមើលឃើញថា ជាជំនួបដ៏សំខាន់មួយ ក្នុងបរិបទនយោបាយនៅកម្ពុជាបន្តតានតឹងចាប់តាំងពីខែតុលាឆ្នាំមុនមក។ សម្រាប់អ្នកវិភាគ ជំនួបមេដឹកនាំគណបក្សប្រឆាំង ត្រូវរកឲ្យឃើញនូវរូបមន្ត សម្រាប់បន្ធូរបន្ថយស្ថានភាពនយោបាយតានតឹងនៅកម្ពុជា។
