រូបភាពអាក្រាតល្វែងលើរបស់ស្ត្រីបរទេសនៅលើហ្វេសប៊ុកធ្វើឲ្យអាជ្ញាធរអប្សរារងការរិះគន់
ចុះផ្សាយនៅថ្ងៃ៖
ស្តាប់ - ០៩:០៨
ការបង្ហាញរូបភាពអាក្រាតតៗគ្នាតាមបណ្តាញសង្គមកន្លងមកដែលជាស្នាដៃរបស់ក្រុមថតរូបមួយឈ្មោះ WANIMAL ដែលមានទីតាំងនៅប្រទេសចិនប៉ុន្មានថ្ងៃចុងក្រោយនេះ ធ្វើឲ្យពលរដ្ឋ ខ្មែរមួយចំនួនដែលមានទំព័រហ្វេសប៊ុកធ្វើការរិះគន់យ៉ាងខ្លាំង។ រិះគន់ដោយសាររូបភាពអាក្រាតរបស់ស្ត្រីផ្នែកខាងលើ ត្រូវបានគេថតភា្ជប់ជាមួយនឹងប្រាសាទបូរាណខ្មែរជាទីសក្ការៈនៅក្នុងកាយវិការផ្សេង។ ក្រៅពីវាយប្រហារដោយប្រយោគខ្លីៗសំដៅទៅលើអ្នកទទួលខុសត្រូវប្រាសាទបូរាណក្នុងនោះមានអាជ្ញាធរអប្សរាជាដើម បណ្តាញសង្គមបានបង្ហោះរូបភាពអាក្រាតរបស់ស្ត្រីទាំងស្រុងជាបន្តបន្ទាប់បន្ថែមទៀតផងដែរ។ ទោះយ៉ាងនេះក្តី អាជ្ញាធរអប្សរាបាននឹងកំពុងធ្វើការស៊ើបអង្កេត ដោយមានអ្នកជំនាញពិនិត្យទៅលើរូបភាព មុននឹងឈានទៅដល់ការចាត់វិធានការផ្លូវច្បាប់ណាមួយប្រឆាំងនឹងក្រុម WANIMAL។