លោក មឿង សុន៖ បរិបទនយោបាយផ្លាស់ប្តូរ បានបើកផ្លូវឱ្យលោកបានវិលចូលស្រុកវិញ
ចុះផ្សាយនៅថ្ងៃ៖
ស្តាប់ - ១២:១៣
ភ្ញៀវប្រចាំថ្ងៃរបស់វិទ្យុយើងនៅរាត្រីនេះ គឺលោក មឿង សុន អតីតប្រធានអង្គការមូលនិធិទ្រទ្រង់អរិយធម៌ខ្មែរ។ លោក មឿង សុន បច្ចុប្បន្នមានវ័យ៦៨ឆ្នាំ ត្រូវបានព្រះមហាក្សត្រឡាយព្រះហស្តលេខាលើកលែងទោសកាលពីថ្ងៃទី៨ឧសភាកន្លងទៅ ហើយលោកនឹងវិលមកកាន់ប្រទេសកម្ពុជាវិញនៅថ្ងៃទី១៨ឧសភាខាងមុខ បន្ទាប់ពីលោកបានរស់នៅដោយនិរទេសខ្លួនអស់រយៈពេលជិត៦ឆ្នាំ នៅតាមព្រំដែនកម្ពុជា-ថៃ និងយូៗម្តងលោកទៅរស់នៅឯប្រទេសបារាំង។ លោក មឿង សុន ត្រូវបានតុលាការក្រុងភ្នំពេញកាត់ទោសឱ្យជាប់ពន្ធនាគារយៈពេល២ឆ្នាំ និងពិន័យជាប្រាក់១៥លានរៀល ក្រោយពីលោកបានរិះគន់ទៅលើរដ្ឋាភិបាលដែលអនុញ្ញាតឱ្យមានការចោះថ្មប្រាសាទអង្គរវត្តដើម្បីដាក់អំពូលភ្លើងបំភ្លឺ កាលពីឆ្នាំ២០០៩។ ឆ្លើយតបនឹងសំណួររបស់វិទ្យុបារាំងអន្តរជាតិ RFI លោក មឿង សុន បានបង្ហាញអារម្មណ៍រីករាយ ដែលលោកត្រូវបានព្រះមហាក្សត្រលើកលែងទោសនិងត្រៀមវិលមកកាន់មាតុប្រទេសវិញនេះ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ