លោក ណៅ ធួក៖ ទិន្នផលត្រីឆ្នាំនេះ ថយចុះ២០ភាគរយ បើធៀបនឹងឆ្នាំមុន
ចុះផ្សាយនៅថ្ងៃ៖
ស្តាប់ - ១១:៤៦
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះ គឺលោក ណៅ ធួក ប្រតិភូរាជ រដ្ឋាភិបាលទទួលបន្ទុកជាប្រធានរដ្ឋបាលជលផល។ឆ្លើយតបនឹងសំណួររបស់វិទ្យុបារាំងអន្តរជាតិ RFI លោក ណៅ ធួក នៅថ្ងៃនេះ បានអំពាវនាវអោយប្រជាពលរដ្ឋខ្មែរចេញទៅធ្វើប្រហុកផ្អកនៅក្នុងខែខ្នើតនេះ។ ខែខ្នើតជាខែដែលត្រីនៅក្នុងបឹងទន្លេសាបចាប់ផ្តើមចុះមកតាមដងទន្លេសាប ឆ្ពោះទៅកាន់ទន្លេមេគង្គ។ លោក ណៅ ធួក បានថ្លែងថា បើទោះបីជាត្រីឆ្នាំនេះថយចុះប្រមាណជា២០ភាគរយក្តី តែប្រជាពលរដ្ឋ អាចចេញទៅធ្វើត្រីប្រហុកបានក្នុងតម្លៃសមរម្យ។ បើតាមលោក ណៅ ធួក នៅល្ងាចថ្ងៃសៅរិ៍នេះ ត្រីនៅតំបន់ឆ្នុកទ្រូក្នុងខេត្តកំពង់ឆ្នាំង បានធ្លាក់ថ្លៃរហូតដល់៣០០រៀលក្នុងមួយគីឡូក្រាម ខណៈត្រីនៅខេត្តកណ្តាល និងភ្នំពេញ មានតម្លៃចន្លោះពី៨០០ទៅ១២០០រៀលក្នុងមួយគីឡូក្រាម។
