ថវិកាជាតិត្រូវបានបង្កើនពីមួយឆ្នាំទៅមួយឆ្នាំ ខណៈបក្សប្រឆាំងបារម្ភពីបំណុលបរទេសកើនឡើង
ចុះផ្សាយនៅថ្ងៃ៖
ស្តាប់ - ១២:៥១
សេចក្តីព្រាងច្បាប់ ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០១៨ នឹងត្រូវបញ្ជូនទៅដល់ដៃរដ្ឋសភានៅក្នុងសប្តាហ៍ទី១ នៃខែវិច្ឆកាខាងមុខ បន្ទាប់ពីសេចក្តីព្រាងច្បាប់ថវិកាដែលបានបង្កើន១៥%កាលពីឆ្នាំចាស់ ត្រូវបានគណៈរដ្ឋមន្ត្រីអនុម័តរួចរាល់ កាលពីថ្ងៃទី ២៧ តុលា។ សម្រាប់ការគ្រប់គ្រងឆ្នាំ២០១៨ នេះ នឹងបង្កើនពី៥ពាន់លានកាលពីឆ្នាំ២០១៧ដល់៦ពាន់លាននៅឆ្នាំ២០១៨។ ថវិកាជាតិដែលត្រូវបានបង្កើនពីមួយឆ្នាំទៅមួយឆ្នាំនេះ ត្រូវបានមន្រ្តីជាន់ខ្ពស់គណបក្សប្រឆាំងបារម្ភពីបំណុលបរទេសកាន់តែកើនឡើងដែរ។ ប៉ុន្តែក្រសួងសេដ្ឋកិច្ចបានបញ្ជាក់ថា គិតត្រឹមដំណាច់ខែមិថុនា ឆ្នាំ២០១៧ កម្ពុជាបានជំពាក់បំណុលបរទេសប្រមាណជា ៦២៣៣,២លានដុល្លារអាមេរិក ក្នុងនោះ កម្ពុជាបានជំពាក់ចិនដល់ទៅជិតពាក់កណ្ដាលនៃតួលេខបំណុលបរទេសសរុប។
