សាលាក្រុងចង្អុលមុខសង្គមស៊ីវិលថាជាអ្នកញុះញង់អ្នកមានជម្លោះដីធ្លីឲ្យធ្វើបាតុកម្ម
ចុះផ្សាយនៅថ្ងៃ៖
ស្តាប់ - ០៨:៤៤
នៅក្នុងការតវ៉ាទាមទារឲ្យរដ្ឋាភិបាល រដ្ឋសភា និង ព្រឹទ្ធសភា ទម្លាក់ចោលសេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាលក្នុងពេលថ្មីៗនេះ គេបានសង្កេតឃើញថា អ្នកមានជម្លោះដីធ្លីមួយចំនួនបានចួលរួមជាមួយក្រុមអង្គការសង្គមស៊ីវិលដែលប្រឆាំងនឹងច្បាប់នេះ។ សកម្មភាពនេះ បានធ្វើឲ្យអភិបាលរាជធានីភ្នំពេញលោកប៉ា សុជាតិវង្ស នៅក្នុងពិធីសម្ពោធអគារសិក្សា និងសមិទ្ធផលនានានៅសាលាបឋមសិក្សាកៀនឃ្លាំង កាលពីម្សិលមិញ បានចោទអង្គការសង្គមស៊ីវិលថា ជាអ្នកញុះញង់ និងផ្តល់ជាលុយកក់ឲ្យពួកគេប្រព្រឹត្តិបែបនេះ។ ប៉ុន្តែសង្គមស៊ីវិល និងអ្នកមានជម្លោះដីធ្លីផ្ទាល់ សុទ្ធតែបានបដិសេធ។