បទយកការណ៍
ត្រីប្រហុកឡើងថ្លៃ ប្រជាកសិករគ្មានប្រាក់ទិញធ្វើប្រហុក
ចុះផ្សាយនៅថ្ងៃ៖
ស្តាប់ - ០៨:២០
ជារៀងរាល់ឆ្នាំក្រោយពីរដូវច្រូតកាត់បានបញ្ចប់ ប្រជាពលរដ្ឋខ្មែរ តែងតែមកទិញត្រីធ្វើជាប្រហុក។ យ៉ាងណាមិញ ការទិញត្រីមកធ្វើជាប្រហុកបានជួបការលំបាកមួយចំនួន ដែលធ្វើឲ្យប្រជាពលរដ្ឋខ្មែរខ្លះសម្រេចចិត្តឈប់ធ្វើប្រហុក ហើយងាកមកទិញប្រហុកស្រាប់ពីអ្នកដទៃវិញ។ សម្រាប់ឆ្នាំនេះ ប្រជាកសិករបានត្អូញត្អែរពីការឡើងថ្លៃនៃតម្លៃត្រីប្រហុក ដែលមានតម្លៃ ប្រមាណ១៥០០រៀលក្នុងមួយគីឡូក្រាមក្នុងសង្កាត់ច្រាំងចម្រេះ ខ័ណ្ឌឬស្សីកែវ រាជធានីភ្នំពេញ ហើយកត្តានេះកើតឡើង ដោយសារតែត្រីមានចំនួនតិច ព្រោះតែមានបទល្មើសនេសាទមួយចំនួនអាជ្ញាធរមិនបានដឹង និងដោយសារតែការប្រែប្រួលអាកាសធាតុផងដែរ។
