លោក ព្រាប កុល៖ «ច្បាប់ការពារសាក្សីនិងបុគ្គលរាយការណ៍ មានសារៈសំខាន់ខ្លាំងសម្រាប់ការប្រឆាំងអំពើពុករលួយ»
ចុះផ្សាយនៅថ្ងៃ៖
ស្តាប់ - ១០:៤៦
អង្គភាពប្រឆាំងអំពើពុករលួយ នៅថ្ងៃពុធនេះ បានចាប់ផ្តើមបើកឲ្យមានការពិភាក្សាដើម្បីប្រមូលធាតុចូលស្តីពីការរៀបចំសេចក្តីព្រាងច្បាប់ការពារសាក្សី និងបុគ្គលរាយការណ៍។ ការពិភាក្សារយៈពេល២ថ្ងៃ គឺថ្ងៃ ទី២៩ និង ៣០ នៅអង្គភាពប្រឆាំងអំពើពុករលួយ ដោយមានការចូលរួមពីក្រុមអ្នកច្បាប់ ស្ថាប័នពាក់ព័ន្ធនានាព្រមទាំងអង្គការសង្គមស៊ីវិលផងដែរ។ នាយកប្រតិបត្តិអង្គការតម្លាភាពកម្ពុជា លោក ព្រាប កុល ចាត់ទុកថាការបង្កើតឲ្យមានច្បាប់ការពារសាក្សី និងបុគ្គលរាយការណ៍នេះឡើងមានសារៈសំខាន់ណាស់សម្រាប់ការប្រយុទ្ធប្រឆាំងអំពើពុករលួយ និងអាចជួយលើកកម្ពស់ប្រព័ន្ធយុត្តិធម៌កម្ពុជាទៀតផង ប្រសិនបើមានការអនុវត្តដោយម៉ឺងម៉ាត់។
