លោក កឹម សុខា៖ បើមិនដោះលែងសកម្មជននិងមន្ត្រីNGO ពលរដ្ឋនឹងសម្រេចចិត្តប្តូរ នៅឆ្នាំ២០១៨
ព្រឹកនេះ ពីខេត្តកំពង់ចាម ប្រមុខបក្សសង្គ្រោះជាតិ បានព្រលយពាក្យឲ្យមានការដោះលែង សកម្មជននយោបាយ និងមន្ត្រីអង្គការសង្គមស៊ីវិល។ តាមលោក កឹម សុខា, ពួកគេទាំងនោះ ជាប់ពន្ធនាគារដោយអយុត្តិធម៌។ ដូច្នេះ បើគ្មានការដោះលែងពួកគេនោះទេ នៅឆ្នាំក្រោយ ប្រជាពលរដ្ឋម្ចាស់ឆ្នោត ច្បាស់ជានឹងសម្រេចចិត្តបោះឆ្នោតផ្លាស់ប្តូរថ្នាក់ដឹកនាំប្រទេសមែនទែនហើយ!
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០០:៤១
គួរបញ្ជាក់ថា បីថ្ងៃជាប់គ្នាមកនេះ លោក កឹម សុខា បានចុះទៅថ្លែងអំណរគុណម្ចាស់ឆ្នោត នៅខេត្តកណ្តាល ភ្នំពេញ និងកំពង់ចាម។ បើតាមគម្រោង ថ្ងៃស្អែកនេះ លោកនឹងចេញទៅអរគុណអ្នកគាំទ្របន្ថែមទៀត នៅខេត្តកំពង់ធំ មុននឹងបន្តទៅខេត្តបីផ្សេងទៀត។
ចំពោះព្រឹកនេះ នៅស្រុកស្រីសន្ធរ, ប្រធានបក្សសង្គ្រោះជាតិ បានវែកញែកពីគោលនយោបាយឃុំសង្កាត់ និងនយោបាយថ្នាក់ជាតិ ឲ្យដាច់ដោយឡែកពីគ្នាសម្រាប់ណែនាំប្រាប់ដល់អ្នកគាំទ្រ។ លោក កឹម សុខា ថា សម្រាប់បោះឆ្នោតជាតិ២០១៨ គឺនយោបាលបាយថ្នាក់ជាតិរបស់បក្សប្រឆាំង នឹងផ្លាស់ប្តូរខុសពីគោលនយោបាយថ្នាក់ឃុំសង្កាត់ គឺ ដោយផ្តោតលើរឿងកំណត់អាណត្តិនាយករដ្ឋមន្ត្រីត្រឹម២អាណត្តិ, រឿងពុករលួយ, តុលាការអយុត្តិធម៌ និងអន្តោប្រវេសន៍ ជាដើម៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ