លោករុន រ័ត្នវាសនា៖ ក្នុងចំណោមអ្នកបើកបរឡានធំជាង ៦០០នាក់ មាន ១២៩នាក់ប្រើប្រាស់គ្រឿងញៀន
ចុះផ្សាយនៅថ្ងៃ៖
ស្តាប់ - ១១:២៩
របាយការណ៍របស់ប៉ូលិសចរាចរណ៍ផ្លូវគោកបានបង្ហាញថាពេញមួយឆ្នាំ ២០១៦កន្លងទៅនេះ គ្រោះថ្នាក់ចរាចរណ៍នៅទូទាំងប្រទេសកម្ពុជាបានកើតឡើងចំនួន ៣៧០០លើកបណ្តាលឲ្យស្លាប់ចំនួន ១៧១៧ នាក់ និងរបួស ៦៦០៧នាក់។ ចំនួនគ្រោះថ្នាក់ចរាចរណ៍បើធៀបនឹងកាលពីឆ្នាំ២០១៥ គឺបានថយចុះចំនួន ៤៤៣លើក ឯអ្នកស្លាប់ក៏បានថយចុះចំនួន ២៧១នាក់ផងដែរ។ គ្រោះថ្នាក់ចរាចរណ៍ទាំងនេះ បណ្តាលមកពីមូលហេតុមួយចំនួនគឺការបើកបរលើសល្បឿនកំណត់ មិនប្រកាន់ស្តាំ ស្រវឹង និងមិនគោរពសិទ្ធិជាដើម។ លោករុន រ័ត្នវាសនា ប្រធាននាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ដែលជាភ្ញៀវរបស់យើងនៅរាត្រីនេះ បានបញ្ជាក់ថានៅក្នុងចំណោមអ្នកបើកបរឡានដឹកអ្នកដំណើរ និងដឹកទំនិញជាង ៦០០នាក់ អាជ្ញាធរបានរកឃើញអ្នកបើកបរ ១២៩នាក់បានប្រើប្រាស់គ្រឿងញៀន។
