កម្មករខ្លះមិនពេញចិត្តចំពោះការដំឡើងប្រាក់ខែគោលត្រឹម១៤០ដុល្លារ
ចុះផ្សាយនៅថ្ងៃ៖
ស្តាប់ - ០៧:០២
បន្ទាប់ពីក្រុមការងារត្រីភាគី បានកំណត់ ប្រាក់ឈ្នួល អប្បរមារបស់កម្មករកាត់ដេរ ឆ្នាំ២០១៦ ចំនួន១៤០ដុល្លារមក មានកម្មករខ្លះមិនពេញចិត្តចំពោះការសម្រេចនេះ។ កម្មករកាត់ដេរនៅក្នុងគ្រួសារមួយ ដែលមានមនុស្ស៥នាក់ធ្វើការនៅរោងចក្រ និយាយថា ការដំឡើងប្រាក់ខែ តិចតូច មិនមានប្រយោជន៍ដល់ពួកគេទេ ប្រសិនជាគ្មានវិធានការទប់ស្កាត់ការឡើងថ្លៃទំនិញនៅលើទីផ្សារនោះ។ ធ្វើកម្មករកាត់ដេរ អស់ពេល១០ឆ្នាំមកហើយ កម្មករនៅតំបន់ដាច់ស្រយាលមួយ របស់ខេត្តកំពង់ចាម ថាការងាររោងចក្រ មិនបានលើកកម្ពស់ជីវភាពគ្រួសារគាត់ឡើយ ដោយសារតែប្រាក់ខែឡើងមិនទាន់ថ្លៃទំនិញ នេះឯង។