សង្គមស៊ីវិល៖ ការបាញ់បោះសេរីកណ្តាលទីក្រុងភ្នំពេញ បង្ហាញពីអសមត្ថភាពរបស់អាជ្ញាធរក្នុងការគ្រប់គ្រងអាវុធ
ចុះផ្សាយនៅថ្ងៃ៖
ស្តាប់ - ០៩:៥៥
បន្ទាប់ពីករណីបាញ់សម្លាប់លោកកែម ឡី កាលពីថ្ងៃទី១០ កក្កដា បានជាងមួយខែប៉ុណ្ណោះ ករណីបាញ់សម្លាប់ថ្មីមួយទៀតក៏បានកើតឡើងកណ្តាលទីក្រុងភ្នំពេញដែរ គឺកាលពីរាត្រីថ្ងៃសៅរ៍កន្លងទៅនេះ នៅជិតផ្សាររាត្រីជាប់មាត់ទន្លេ។ ហើយនៅពេលថ្មីៗនេះទៀតសោត ក៏មានករណីជនជាតិកូរ៉េម្នាក់សៀតកាំភ្លើងខ្លីនៅចង្កេះដើរយ៉ាងសង្ហារនៅក្នុងទីក្រុងភ្នំពេញថែមទៀត។ នេះមិនទាន់រាប់បញ្ចូលទាំងករណីប្លន់ប្រដាប់អាវុធផង។ ស្តែងចេញពីរូបភាពទាំងនេះ អង្គការសង្គមស៊ីវិលនៅកម្ពុជា បានលើកឡើងថា ការប្រើប្រាស់កាំភ្លើងដោយសេរីបែបនេះ បានបង្ហាញឲ្យឃើញពីអសមត្ថភាពរបស់អាជ្ញាធរក្នុងការគ្រប់គ្រងអាវុធ ជាតិផ្ទុះ បើទោះបីជាមានច្បាប់ក៏ដោយ។សូមស្ដាប់សេចក្តីរាយការណ៍របស់វណ្ណ សុគន្ធា៖