ហេតុអ្វីបានជាបក្សទាំងពីរសម្រេចជ្រើសរើសលោកហង្ស ពុទ្ធា ធ្វើជាសមាជិកទី៩នៃគ.ជ.បថ្មី?
ចុះផ្សាយនៅថ្ងៃ៖
ស្តាប់ - ០៩:៣២
គណបក្សប្រជាជនកម្ពុជា និងគណបក្សសង្គ្រោះជាតិបានឯកភាពគ្នាជាគោលការណ៍ក្នុងការសម្រេចជ្រើសរើសលោកហង្ស ពុទ្ធា នាយកប្រតិបត្តិនៃគណៈកម្មាធិការអព្យាក្រិត្យ និងយុត្តិធម៌ ដើម្បីការបោះឆ្នោតដោយសេរី និងត្រឹមត្រូវនៅកម្ពុជា ហៅកាត់ថា និចហ្វិច ធ្វើជាបេក្ខជនសម្រាប់តំណែងសមាជិកទី៩នៃគណៈកម្មាធិការជាតិរៀបចំការបោះឆ្នោត(គ.ជ.ប)ថ្មី ជំនួសលោកស្រីពុង ឈីវកេក នាយិកាអង្គការលីកាដូ។ តាមពិតទៅ បក្សជាប់ឆ្នោតទាំងពីរបានព្រមព្រៀងគ្នាជ្រើសរើសលោកហង្ស ពុទ្ធានេះ តាំងពីថ្ងៃទី២៩មីនាមកម្លេះ ប៉ុន្តែក្រោយមកហាក់មានភាពរអាក់រអួលបន្តិច។ យ៉ាងណាក៏ដោយ លោកសម រង្ស៊ី ប្រធានគណបក្សសង្គ្រោះជាតិ បានបញ្ជាក់កាលពីម្សិលមិញថា គណបក្សទាំងពីរបានព្រមព្រៀងគ្នាក្នុងជ្រើសរើសយកលោកហង្ស ពុទ្ធា ហើយ។ ហេតុអ្វីបានជាលោកហង្ស ពុទ្ធា ក្លាយជាបុគ្គលម្នាក់ដែលជាទីចាប់អាម្មរណ៍របស់បក្សទាំងពីរសម្រាប់តំណែងជាបុគ្គលឯករាជ្យនៅក្នុងគ.ជ.បថ្មីនេះ?
