បទយកការណ៍
អ្នកធ្វើការស្ទុះស្ទាបញ្ចប់ការងារមុនការសម្ពោធស្ពានជ្រោយចង្វាទី២
ចុះផ្សាយនៅថ្ងៃ៖
ស្តាប់ - ០៧:៣២
កាលពីថ្ងៃសុក្រ សាលារាជធានីភ្នំពេញបានប្រកាសអំពីគម្រោងសម្ពោធស្ពានជ្រោយចង្វាទី២ ឬស្ពានមិត្តភាពកម្ពុជាចិន និងសួនច្បាររង្វង់មូលនៅក្បាលស្ពានដែលសន្ធឹងកាត់ទន្លេសាបទាំងសងខាង។ មុនពិធីផ្លូវការដែលនឹងប្រព្រឹត្តទៅក្រោមអធិបតីភាពរបស់លោកនាយករដ្ឋមន្ត្រី ហ៊ុន សែន ខិតចូលមកដល់នៅថ្ងៃទី២២ ខែតុលា ឆ្នាំ២០១៥ អ្នកធ្វើការនៅលើសួនព្រហ្មបាយ័នឯត្រើយខាងកើត ខំស្ទុះស្ទាបញ្ចប់ការងារពួកគេ។ នាព្រឹកថ្ងៃសៅរ៍នេះ ម្តងម្កាល កម្មករដំឡើងសរសៃកដាក់គ្នា រីឯជាងចម្លាក់និយាយថា ពួកគេត្រូវបន្ថែមម៉ោងធ្វើការទាំងយប់ ព្រមទាំងបន្ថែមកម្លាំងមនុស្សផង ខណៈដែលអ្នកថែសួនកាត់ផ្កាយ៉ាងរំភើយ។