ការផ្សព្វផ្សាយ និងស្វែងយល់សៀវភៅលោកស៊ី ជិនពីង ត្រូវបរិបទខ្មែរច្រើនជាងការរិះគន់
ចុះផ្សាយនៅថ្ងៃ៖
ស្តាប់ - ១០:៥៩
សៀវភៅរបស់ប្រធានាធិបតីចិន ដែលមានចំណងជើងថា«ស៊ី ជិនពីង៖ អភិបាលកិច្ចប្រទេសចិន» ដែលបានបកប្រែជាភាសាខ្មែរ ត្រូវបានធ្វើពិធីផ្សព្វផ្សាយកាលពីថ្ងៃអង្គារម្សិលមិញនៅវិមានសន្តិភាព។ សៀវភៅនេះបានចងក្រងនូវ អត្ថបទរបស់លោកស៊ី ជិនពីង ក្នុងចន្លោះពីខែវិច្ឆិកា ឆ្នាំ ២០១២ ដល់ខែមិថុនា ឆ្នាំ ២០១៤ ដែលក្នុងនោះរួមមានសុន្ទរកថា សេចក្តីបង្គាប់បង្ហាញ និងសារលិខិតជូនពរជាដើម។ នៅក្នុងសៀវភៅនេះក៏បានសរសេរផងដែរពី គោលការណ៍ណែនាំសំខាន់ៗ អំពីគោលនយោបាយអភិបាលកិច្ចរដ្ឋ និងការគ្រប់គ្រងនយោបាយ សុបិននិងក្តីសង្ឃឹមរបស់ប្រជាពលរដ្ឋសាមញ្ញ មធ្យោបាយល្អសម្រាប់ដោះស្រាយបញ្ហាលំបាកៗ ផែនទីបង្ហាញផ្លូវសម្រាប់ការអភិវឌ្ឍវែងឆ្ងាយ មាគ៌ាអភិវឌ្ឍន៍របស់ប្រទេសចិន។