លោក យាង ដូណាល់៖ ឥណទានកាបូន ជាផ្នែកមួយនៃការចូលរួមអភិរក្សព្រៃឈើ សត្វព្រៃ និងបង្កើនជីវភាពប្រជាពលរដ្ឋ
ចុះផ្សាយនៅថ្ងៃ៖
ស្តាប់ - ១០:០២
ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅរាត្រីនេះ គឺលោក យាង ដូណាល់ ជាអ្នកជំនាញការកាត់បន្ថយឧស្ម័នផ្ទះកញ្ចក់ ដែលចេញមកពីការបាត់បង់ និងរេចរឹល នៃព្រៃឈើ(REDD+) របស់អង្គការសមាគមអភិរក្សសត្វព្រៃប្រចាំប្រទេសកម្ពុជា។ ថ្មីៗនេះ ក្រុមហ៊ុនឧស្សហកម្មភាពយន្តអាមេរិក Disney បានទិញយកឥណទានកាបូនពីដែនជម្រកសត្វព្រៃកែវសីម៉ារបស់ប្រទេសកម្ពុជា។ ជុំវិញរឿងនេះ លោក យាង ដូណាល់ ថាការលក់ឥណទានកាបូននេះ កម្ពុជានឹងទទួលបានថវិកា ដើម្បីយកមកអភិរក្សព្រៃឈើ សត្វព្រៃ និងបង្កើនជីវភាពប្រជាពលរដ្ឋ ដែលរស់នៅអាស្រ័យដោយព្រៃឈើនោះ។ លោកបន្ថែមថា មួយឆ្នាំកម្ពុជាអាចទទួលបានឥណទានកាបូនមួយលានតោនពីដែនជម្រកសត្វព្រៃកែវសីម៉ា នោះមានន័យថាព្រៃកែវសីម៉ាអាចស្រូបឧស្ម័នផ្ទះកញ្ចក់បាន១លានតោនក្នុងមួយឆ្នាំ។ តទៅនេះសូមស្តាប់បទសម្ភាសន៍របស់សឿង ភារៈ និងលោក យាង ដូណាល់
