ក្លឹបអ្នកកាសែតកម្ពុជាបានសហការជាមួយទីភ្នាក់ងារព័ត៌មាន Infosud ប្រចាំប្រទេសស្វ៊ីស ដោយមានការឧបត្ថម្ភពីមជ្ឈមណ្ឌលរ៉ូម៉ង់នៃការបណ្តុះបណ្តាលអ្នកកាសែត នៃប្រទេសស្វ៊ីស ដើម្បីបើកវគ្គបណ្តុះបណ្តាលជំនាញផ្សារមូលបត្រដល់អ្នកកាសែតកម្ពុជា។ អ្នកកាសែត ៩នាក់ ត្រូវបានជ្រើសរើសអោយចូលរៀនក្នុងវគ្គជំនាញនេះ ដែលត្រូវបានរៀបចំធ្វើនៅក្នុងសប្តាហ៍នេះ។ ក្រោយពីបានបញ្ចប់វគ្គសិក្សារយៈពេល៦ថ្ងៃ កាលពីថ្ងៃសៅរ៍ម្សិលមិញ អ្នកកាសែតបានបង្ហាញចំណាប់អារម្មណ៍ពេញចិត្ត និងរីករាយចំពោះវគ្គបណ្តុះបណ្តាលនេះ ដែលពួកគេវាយតម្លៃថាមានសារៈប្រយោជន៍យ៉ាងខ្លាំងចំពោះពួកគេ។
