ព្រឹត្តិការណ៍កម្ពុជាប្រចាំថ្ងៃ
ដល់ពេលអព្យាក្រឹតភាព និងសុច្ចរិតភាពនៃសង្គមស៊ីវិលសំខាន់ក្នុងការកែទម្រង់ការបោះឆ្នោត
ចុះផ្សាយនៅថ្ងៃ៖
ស្តាប់ - ១១:៤៣
ក្របខ័ណ្ឌកំណែទម្រង់ការបោះឆ្នោតបានកើតឡើងហើយ បន្ទាប់ពីគណៈកម្មការចម្រុះនៃគណបក្សប្រជាជនកម្ពុជា និងគណបក្សសង្គ្រោះជាតិ បានឯកភាពគ្នា នៅថ្ងៃទី១៧ ខែមីនាម្សិលមិញ លើចំណុច ដែលត្រូវកែចំនួន១៤។ នៅពេលនេះ សង្គមស៊ីវិល ដែលទាក់ទងនឹងការបោះឆ្នោត កំពុងសំលៀងមាត់ ដើម្បីផ្តល់អនុសាសន៍ជួយកែលម្អចំណុចនីមួយៗនោះ តាមរយៈសិក្ខាសាលាថ្នាក់ជាតិ និងវេទិកាថ្នាក់មូលដ្ឋាន ដែលគណៈកម្មការចម្រុះនឹងរៀបចំ ក្នុងពេលណាមួយ ដែលនិតិវិធីត្រូវបានកំណត់។ អព្យាក្រឹតភាព និងសុច្ចរិតភាពនៃសង្គមស៊ីវិលទាំងនោះ ទើបជាបញ្ហាជាក់ស្តែងក្នុងដំណាក់កាលនេះ។
