បទយកការណ៍
លោក សុខ គឹមស្រ៊ុន ជនពិការជើងទាំងពីរមិនសុខចិត្តសុំទានគេដើម្បីរស់
ចុះផ្សាយនៅថ្ងៃ៖
ស្តាប់ - ០៧:០៦
នៅចំនុចភ្លើងស្តុបកាណាឌីយ៉ា តាមបណ្តោយមហាវិថីព្រះមុនីវង្ស គេសង្កេតឃើញមានវត្តមានមនុស្សក្មេង ចាស់ ជាច្រើននាក់ ជាអ្នកសុំទាន អ្នកលក់ផ្កា ឬលក់របស់របរផ្សេងៗទៀត។ នៅទីនោះ គេក៏តែងតែឃើញវត្តមានបុរសពិការជើងទាំងពីរមួយរូប ជិះលើរទេះរុញធ្វើដំណើរលក់ផ្លែពុទ្រា ដល់អ្នកធ្វើដំណើរទាំងឡាយផងដែរ នៅពេលភ្លើងស្តុបលោតពណ៌ក្រហមម្តងៗ។ ទោះបីជាគាត់ពិការជើងដើរមិនរួចយ៉ាងណាក្តី ក៏បុរសវ័យជាង៣១ឆ្នាំម្នាក់នោះ និយាយថា លោកមិនព្រមលើកដៃសុំប្រាក់គេដើម្បីរស់នោះឡើយ។ ដោយធ្លាក់ខ្លួនពិការតាំងពីអាយុ ១០ឆ្នាំមកម្ល៉េះ លោក សុខ គឹមស្រ៊ុន បានឆ្លងកាត់ឧបសគ្គជាច្រើននៅក្នុងជីវិតកូនអ្នកក្រហើយពិការទៀតនោះ។
