លោកអ៊ែរដូហ្កានទាមទារអឺរ៉ុបផ្តល់ចម្លើយអោយឆាប់រហ័សចំពោះបេក្ខភាពតួកគីជាសមាជិកសហភាពអឺរ៉ុប
ថ្ងៃពុធនេះ ប្រធានាធិបតីតួកគីបានទាមទារអោយអឺរ៉ុបផ្តល់ចម្លើយអោយឆាប់រហ័ស ទាក់ទងនឹងបេក្ខភាពរបស់តួកគី ក្នុងការចូលជាសមាជិកសហភាពអឺរ៉ុប។ ទន្ទឹមនេះដែរ តួកគីបានទាត់ចោលរបាយការណ៍ប្រចាំឆ្នាំរបស់គណៈកម្មការអឺរ៉ុបដែលលើកឡើងថា ច្បាប់តួកគីមិនត្រឹមត្រូវតាមស្តង់ដាសហភាពអឺរ៉ុប។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:០២
សហភាពអឺរ៉ុបបានចេញរបាយការណ៍ប្រចាំឆ្នាំ សរសរវាយតម្លៃពីដំណើរការចរចាទាក់ទងនឹងការដែលតួកគីសុំចូលជាសមាជិកអឺរ៉ុប។ ថ្ងៃពុធនេះ លោកអ៊ែរដូហ្កាន បានដាក់សម្ពាធអោយអឺរ៉ុបកុំបង្អង់ពេលយូរ ក្នុងការងារវាយតម្លៃនេះ ដោយត្រូវតែសម្រេចចិត្តផ្តល់ចម្លើយអោយឆាប់រហ័ស។
ទន្ទឹមនេះដែរ តួកគីបានទាត់ចោលរបាយការណ៍វាយតម្លៃនេះ ដោយលើកឡើងថា វាគ្មានលក្ខណៈស្ថាបនាអ្វីទាល់តែសោះ។ របាយការណ៍វាយតម្លៃរបស់សហភាពអឺរ៉ុបសរសេរថា ខ្លឹមសារច្បាប់តួកគីមិនសមស្របជាមួយស្តង់ដាដែលចូលជាធរមានក្នុងសហភាពអឺរ៉ុប។
ទំនាក់ទំនងរវាងតួកគីនិងអឺរ៉ុបបានឈានចូលក្នុងភាពតានតឹងខ្លាំង តាំងពីពេលតួកគីបោសសម្អាតផ្ទៃក្នុងក្រោយរដ្ឋប្រហារខែកក្កដាមក។ តួកគីបានចាប់ខ្លួនប៉ូលិស ទាហាន ចៅក្រម និងមន្ត្រីរដ្ឋការគ្រប់ជាន់ថ្នាក៉ ដល់ទៅជាង១១ម៉ឺននាក់។ ក្នុងដំណើរការចរចា បេក្ខភាពតួកគីជាសមាជិកអឺរ៉ុប សហភាពអឺរ៉ុបវាយតម្លៃថា តួកគីបានដើរថយក្រោយ ទាក់ទងនឹងការគោរពផ្នែកនិតិរដ្ឋ ទាក់ទងឯករាជ្យភាពនៃប្រព័ន្ធតុលាការ រឺសេរីភាពនៃការបញ្ចេញមតិយោបល់ជាដើម៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ