ក្នុងបវេសនកាលឆ្នាំសិក្សា នរណាក៏និយាយពីការអប់រំដែរ
ចុះផ្សាយនៅថ្ងៃ៖
ស្តាប់ - ១១:៣២
សម្រាប់បវេសនកាលថ្មី នាយករដ្ឋមន្ត្រីកម្ពុជា បានគូសបញ្ជាក់ជាថ្មីថា វិស័យអប់រំ «នៅតែជាអាទិភាពមួយ» សម្រាប់អភិវឌ្ឍសង្គម និងសេដ្ឋកិច្ចជាតិ។ ក្នុងសារចុះថ្ងៃទី០១ ខែវិច្ឆិកា លោក ហ៊ុន សែន ចាត់ទុកថា ការអប់រំគឺ«ជាមូលដ្ឋាននៃការផ្លាស់ប្តូរ និងជាជវភាព [ពោលគឺសន្ទុះ] នៃការរីកចម្រើន» សម្រាប់កម្ពុជា ដែលនឹងមានចំណូលមធ្យមកម្រិតខ្ពស់នៅឆ្នាំ២០៣០ និងមានចំណូលខ្ពស់នៅឆ្នាំ២០៥០។ ប្រមុខរដ្ឋាភិបាលបានថ្លែងពីការកែលម្អគុណភាពអប់រំគ្រប់កម្រិត តាមរយៈការបន្តឹងការប្រឡង ការពង្រីកធនធានគ្រូបង្រៀន ការកែកម្មវិធីសិក្សា ការពង្រឹងអភិបាលកិច្ច និងការសម្រួលការសិក្សាជាដើម ដើម្បីឱ្យប្រជាជនកម្ពុជាមានសក្តានុពលពិត។ អង្គការមិនមែនរដ្ឋាភិបាលក៏មានមតិអំពីការអប់រំដែរ។