កម្ពុជាបង្ហាញសក្តានុពលក្នុងវិស័យភាពយន្តនៅក្រុងកាន
ចុះផ្សាយនៅថ្ងៃ៖
ស្តាប់ - ០៥:២០
មហោស្រពភាពយន្តកានបានចូលដល់ថ្ងៃទី ៦ ដោយមានការចាក់បញ្ចាំងខ្សែភាពយន្តអ៊ីតាលី របស់សមិទ្ធិករ Paolo Serrento មានចំណងជើងថា Grande Belleza និងខ្សែភាពដែលគេរង់ចាំបំផុត មានចំណងជើងថា Behind Candelabra របស់សមិទ្ធិករ Sleven Soderbergh។ ភាពយន្តដែលដកស្រង់តាមដំណើរជីវិតពិតរបស់សិល្បករអាមេរិក (មនុស្សស្រលាញ់ភេទដូចគ្នា) ដ៏ល្បីល្បាញម្នាក់ឈ្មោះ Liberace។ ចំណែកកម្ពុជាក៏កំពុងបន្តបង្ហាញវត្តមានលើឆាកអន្តរជាតិក្នុងវិស័យសិល្បៈទី៧នេះដែរ។ ក្រៅពីការចូលប្រកួតប្រជែងដណ្តើមពានរង្វាន់មហាស្រពភាពយន្តលើកទី៦៦ កម្ពុជាឆ្នាំនេះបានបង្ហាញវត្តមានយ៉ាងសកម្ម តាមរយៈមជ្ឈមណ្ឌលសោតទស្សន៍បុប្ផាណា មជ្ឈមណ្ឌលបណ្តុះបណ្តាលជំនាញភាពយន្តឱ្យក្រលេកមើលកម្ពុជា- ទឹកដីដែលអាចមានសក្តានុពលផ្នែកទេសចរណ៍ភាពយន្ត។ កម្មវិធីជួបជុំសមិទ្ធិករវ័យក្មេងបានរៀបចំឡើងនៅថ្ងៃម្សិលមិញ នៅក្នុងស្តង់នៃCinéma du Monde នាទីក្រុងកាន។
