សហជីពកម្មករចង់ឃើញប្រាក់ខែកម្មករ មន្ត្រីរាជការឡើងមុនឆ្នាំ២០១៨ខណៈដែលបក្សកាន់អំណាចបង្ហាញពីជំហរច្បាស់លាស់
ចុះផ្សាយនៅថ្ងៃ៖
ស្តាប់ - ១០:៣០
ផ្តើមចេញពីជំនួបសំណេះសំណាលរវាងលោកនាយករដ្ឋមន្ត្រី ហ៊ុន សែន ជាមួយសហជីព កម្មករ កម្មការិនីចំនួន ៣ពាន់នាក់កាលពី ថ្ងៃទី១៩ខែមេសាកន្លងទៅ គណបក្សប្រជាជនដែលកំពុងកាន់អំណាចនៅក្នុងប្រទេសកម្ពុជារាល់ថ្ងៃបានប្រកាសនៅក្នុងគោលនយោបាយរបស់ខ្លួនថា នឹងតម្លើងប្រាក់ឈ្នួលអប្បបរមាដល់កម្មករនិយោជិកឲ្យដល់១៦០ដុល្លារយ៉ាងតិចក្នុងមួយខែ និងបង្កើនប្រាក់បៀវត្សរ៍មន្ត្រីរាជការ កងកម្លាំងប្រដាប់អាវុធរហូតដល់១លានរៀលយ៉ាងតិចនៅឆ្នាំ២០១៨ ខាងមុខ។មន្ត្រីក្រសួងការងារថ្លែងថា ការប្តេជ្ញាតម្លើងប្រាក់ខែកម្មករនិងបៀវត្សរ៍របស់មន្ត្រីរាជការគឺមានយន្តការច្បាស់លាស់ តាមរយៈនៃកិច្ចប្រជុំក្រុមប្រឹក្សាការងារ ខណៈដែលបក្សប្រឆាំងនិងអង្គការសង្គមនានាលើកឡើងពីសុឆន្ទៈដូចគ្នានេះ ក៏ប៉ុន្តែចង់បានមុនឆ្នាំ ២០១៨។
