អ្នកសេដ្ឋកិច្ចអះអាងថា កម្ពុជាត្រូវងាកមកពង្រឹងវិស័យឧស្សាហកម្មធុនធ្ងន់
ចុះផ្សាយនៅថ្ងៃ៖
ស្តាប់ - ០៩:០៦
អ្នកវិភាគសេដ្ឋកិច្ចបានអះអាងថា កម្ពុជាដែលជាប្រទេសកំពុងអភិវឌ្ឍន៍និងមានសេដ្ឋកិច្ចទន់ខ្សោយនោះ ត្រូវងាកមកពង្រឹងវិស័យឧស្សាហកម្មកែច្នៃ និងឧស្សាហកម្មធុនធ្ងន់ ដើម្បីជួយជម្រុញខឿនសេដ្ឋកិច្ចប្រទេស និងកែប្រែជីវភាពកម្មករនិងពលរដ្ឋ ខណៈដែលវិស័យកាត់ដេរនៅកម្ពុជាដែលជាសសរស្តមសេដ្ឋកិច្ចមួយ មិនមែនជាខឿនសេដ្ឋកិច្ចយូអង្វែងនោះទេ។ ប៉ុន្តែអ្នកសេដ្ឋកិច្ចដដែលបានអះអាងថា កម្ពុជាត្រូវការជំនះបញ្ហាប្រឈមច្រើន តាំងពីធនធានមនុស្សដែលត្រូវត្រៀមលក្ខណៈជាស្រេច។ រដ្ឋាភិបាលកម្ពុជាវិញបានអះអាងថា នាពេលបច្ចុប្បន្ននេះ កម្ពុជាត្រូវការទាំងឧស្សាហកម្មកាត់ដេរ និងឧស្សាហកម្មកែច្នៃរួមទាំងឧស្សាហកម្មធុនធ្ងន់ដើម្បីជួយជំរុញសេដ្ឋកិច្ចរបស់ខ្លួន។ រដ្ឋាភិបាលបានអះអាងថា គឺបានត្រៀមគោលការណ៍ជាតិច្បាស់លាស់ហើយ ដើម្បីជំរុញសេដ្ឋកិច្ច និងកំណត់ទិសដៅច្បាស់លាស់។